मराठी असे आमुची मायबोली निबंध | Marathi ase Amchi Maayboli Nibandh

Marathi ase Amchi Maayboli Nibandh – मित्रांनो आज  “मराठी असे आमुची मायबोली निबंध “ या विषयावर निबंध मराठी मध्ये पाहणार आहोत तरी हा निबंध तुम्हाला आवडेल अशी आशा करून आपण निबंधास सुरवात करूया.

पखिआंमध्ये मयोरू | त्रुखिआंमध्ये कल्पतरू ।

भासांमध्ये मानु थोरू। मराठियेसी।।

पक्ष्यांमध्ये मोराला आणि वृक्षांमध्ये कल्पतरूला जो मान आहे तोच सर्व भाषांमध्ये मराठीला आहे. असे फादर स्टीफन्स म्हणतो. या पोर्तुगीज परभाषिकाने मराठीचा केलेला गौरव मराठी भाषिकाला अभिमान वाटणारा आहे.

Marathi ase Amchi Maayboli Nibandh

संतांना तर मराठीबद्दल उत्कट अभिमान वाटायचा. महानुभाव पंथाचे सर्व धर्मग्रंथ मराठीत आहेत. एकदा केशवदेवाला वाटले की आपण एक ग्रंथ संस्कृतमध्ये लिहावा व विद्वान पंडितांची मान्यता मिळवावी.

त्याने नागदेवाचार्यांना आपला ग्रंथ संस्कृतमध्ये लिहिण्याची अनुमती मागितली. याला नागदेवाचार्यांनी नकार दिला. ते म्हणाले की ग्रंथ मराठीतच असावा. श्री. ज्ञानदेवांनी तर ‘माझा मराठाचि बोलू कौतुके । परि अमृतातेही पैजा जिंके।’ असे निर्भयपणे सांगून टाकले. Marathi ase Amchi Maayboli Nibandh

अशी ही मराठी मायबोली आहे याचा मला सार्थ अभिमान आहे. राजारामशास्त्री भागवत आणि काही संशोधक विद्वान असेही सांगतात की कोणे एकेकाळी संपूर्ण भारताची भाषा मराठी हीच होती. असे असेल तर ती मोठी गर्वाची गोष्ट आहे.

मराठी असे आमुची मायबोली निबंध

मराठी काव्याची प्रभात म्हणता येईल असे शाहिरी वाङ्मय म्हणजे लावण्या व पोवाडे केवळ मराठीतच आहेत. संस्कृतपेक्षा मला मराठीच अधिक आवडते कारण संस्कृतमध्ये नसलेले ‘ळ‘ हे अक्षर मराठीत आहे. संस्कृतसारखा व्याकरणाचा सोस मराठीला नाही.

संस्कृतप्रमाणे ती केवळ ग्रंथभाषा नाही. ती एक लोकभाषा म्हणजे जीवंत भाषा आहे. ती जीवंत भाषा आहे म्हणूनच इतर भाषांतील सुंदर सुंदर शब्द तिने आत्मसात केले आहेत. आई, काका, अण्णा तिने कानडीतून घेतले आहेत. Marathi ase Amchi Maayboli Nibandh

मराठी ही महाराष्ट्राची राजभाषा झाली आहे. पण अजूनही ती उच्चशिक्षणाचे माध्यम बनली नाही ही खंत आहेच. मराठी राजभाषा तर आहेच पण महानुभावपंथाने तिला धर्मभाषाही केले आहे.

Marathi ase Amchi Maayboli Nibandh

राघोबादादांनी मराठ्यांचा जरीपटका सतराव्या शतकात अटकेपर्यंत पोचवला पण महानुभावांनी | मराठी भाषा त्याच्याही पूर्वी आणि त्याच्याही पलीकडे पोचवली आहे. महात्मा फुल्यांनी कॉर्ल मार्क्स इतकेच महत्त्वाचे व प्रखर तत्त्वज्ञान जगापुढे मांडले.

ते त्यांचे ग्रंथ मराठीत आहेत. लोकमान्य टिळकांनी आपल्या करारी घोषणेने सारे राष्ट्र गदगदा हलवून टाकले. ती त्यांची अमृतघोषणा ‘स्वराज्य हा माझा जन्मसिद्ध हक्क आहे आणि तो मी मिळवणारच ही अस्सल मराठीतली आहे. Marathi ase Amchi Maayboli Nibandh

भारताच्या घटनेचे शिल्पकार डॉ.बाबासाहेब आंबेडकर यांनी मराठीतूनच दलितांची अस्मिता जागृत केली.  आधुनिक काळात मराठीने जसे जागतिक कीर्तीचे विचारवंत निर्माण केले. तसेच तिने इतिहासातही केले.

भारतात एक स्वतंत्र आणि वेगळा इतिहास घडवणाऱ्या स्वराज्यसंस्थापक छत्रपती शिवाजी महाराज यांनी आपले आज्ञापत्र मराठीतून लिहवले.

मराठी असे आमुची मायबोली निबंध

कोकणी, देशी, कोल्हापूरी, सातारी, पुणेरी, खानदेशी, वहाडी, नागपुरी अशा विविध लोकबोली असलेली मराठी भाषा वैशिष्ट्यपूर्ण व सुंदर आहे.  कवी म्हणतो की इंद्राच्या दरबारातील सांडलेल्या अमृतातून मराठी बोल निपजले.

थेंब मातीनं झेलले। जसं मिरंगाचं पानी
वहाडीच्या (मराठीच्या)। शब्दाइले ।
वास चंदनाच्या वानी।।।

तर मित्रांना “मराठी असे आमुची मायबोली निबंध “ हा निबंध आवडला असेल तर तुमच्या मित्रांना शेअर करायला विसरू नका धन्यवाद.

मित्रांनो, तुमच्याकडे “Marathi ase Amchi Maayboli Nibandh”  मराठी मध्ये काही अजून माहिती तुम्हाला सुचले असतील तर आम्हाला तुमच्या शब्दात आम्हला इमेल द्वारे नक्की पाठवा.

तुमच्या नावासह निबंध नवीन लिहिला जाईल. तो कोठून  कॉपी केल्यास आम्ही घेत नाही.

काही अडचण येत असेल तर तुम्ही आम्हाला कमेंट करून विचारू शकता. आम्ही आपल्या प्रश्नांची उत्तर निश्चितपणे देऊ.